Se nas dúas primeiras xornadas da VI edición do Con Negro Paraxe Festival imperaba o ambiente nocturno e os decibelios, hoxe domingo o escenario quedou para outras artes plásticas e escénicas orientadas a toda a familia.

FOTOGRAFÍAS SÁBADO - FOTOGRAFÍAS DOMINGO

A primeira xornada do Con Negro Paraxe Festival deparou na noite de onte unha longa velada de música ao vivo en San Vicente, coas bandas noveis The Red Gloves, All less one, Ruido Permanente, Sky Dancer, Alto Volta. A festa prolongouse ademais ata altas horas da madrugada da man de dous pinchadiscos.

VER FOTOGRAFÍAS

O Club Náutico San Vicente do Mar acolle dende este venres a exposición da pintora grovense Ana Lamelas, esta artista presenta no salón social do Club a súas obra: Serie de espidos.  Esta artista que comezou formándose na Escola de Arte Miguel Mantilla, na súa etapa máis actual foi achegándose á abstracción con fusión de acrílicos e varias texturas. No acto desta tarde foi presentada por Paloma Pintos, e asistiron unhas vinte persoas.

VER FOTOGRAFÍAS

Na tarde de onte, a Praza do Corgo foi escenario dun deses estraños feitos que posteriormente alimentan ríos de tinta. Un rapaz foi presuntamente golpeado polo fillo do propietario dun restaurante de Confín, do que previamente se marchara sen pagar. Despois de que este mozo duns vinte anos de idade e natural de Nigrán se dese á fuga co seu compañeiro de papanza, o restaurador saíu na súa procura a bordo da súa motocicleta, ata que finalmente o atopou nas proximidades da Confraría.

VER FOTOGRAFÍAS

O vehículo circulaba pola estrada da Lanzada en sentido a Sanxenxo cando ao tomar a rotonda do aparcadoiro se produciu o sinistro no que non houbo que lamentar danos persoais e no que o camión articulado quedou tendido de costado sobre a marxe dereita da calzada.

VER FOTOGRAFÍAS